Foguetes propulsados por aire e auga. Proxecto 2ºESO-2018-19

No primeiro trimestre, propúxen o seguinte proxecto; Foguetes a propulsión que debían cumprir as seguintes condicións:

• Deben caber nunha caixa de folios 30x21x25 cm
• Feitos de material reciclado
• Propulsados por aire a presión+auga, ou vinagre e bicarbonato ou aire dun globo.
• Debían avanzar como mínimo 10 m en horizontal sen arrastrarse polo chan.

O proxecto debía seguir o "proceso tecnolóxico" 

1. Detección do problema ou necesidade (neste caso cumprir as condicións antes propostas)
2. Investigación dos sistemas de propulsión, a vida no espazo (Estación Espacial Internacional), formas de foguetes, formas de aleróns, traxectorias recomendables para avanzar o máximo posible, materiais máis axeitados.
3. Deseño; bosquexo do foguete e da lanzadeira, planos acoutados do foguete, aleróns e puntas.
4. Planificación; materiais necesarios, reparto de tarefas dentro de cada equipo de traballo, ferramentas necesarias e o seu uso correcto. Anotacións no diario do taller de todo o proceso e das tarefas realizadas por cada membro do equipo e as ferramentas empregadas.
5. Construcción do foguete, tendo en conta as dimensións e os materiais dispoñibles e respetando as normas de seguridade no taller e no manexo de ferramentas.
6. Avaliación: cumprimento das condicións establecidas no comezo, lanzamento dos foguetes e comprobación de que avanza os 10 m como mínimo. Análisis dos erros cometidos e propostas para a mellora do prototipo. Realización dunha memoria que recolla todo o proceso empregando as TIC mediante un procesador de textos colaborativo (drive)
7. Orzamento; realización dun custo orientativo do prototipo, valorando materiais e man de obra, empregando unha folla de cálculo colaborativa (drive).

Mediante o seguinte enlace podedes acceder ao albúm de fotos do proxecto ENLACE , a continuación algún exemplo dos resultados.