Deseño e impresión 3D para traballar as vistas

Comeza o curso e con él novas formas de traballar as Vistas Ortogonais de pezas, para iso deseñamos e imprimimos en 3D as pezas das que imos obter as vistas no Sistema Diédrico.
Aquí vai un exemplo;

1. Deseñamos a peza en FreeCad
2. Exportamola a formato STL.
3. Abrimos o ficheiro STL no Repetier Host onde temos configurada a nosa impresora León 3D-Legio
4. Dende o Repetier configuramos a impresión (filamento, numero de capas, recheo...)
5. Gardamos o ficheiro na tarxeta microSD da impresora. Tamén podemos conectar a impresora 3D directamente por cable USB ao ordenador e imprimir directamente.
6. Imprimimos

Pezas do "cubo soma"

Estou traballando as vistas co alumnado de 2º da ESO de tecnoloxía, e para que poidan manipular as pezas que van a debuxar en Sistema diédrico (vistas) empregamos as pezas do cubo soma, cuxas caras están coloreadas diferentes, según a vista que se trate.

Para poder proxectalas na pizarra dixital , fixen o modelado das pezas no Google SkechUp.

A continuación para poder compartilo nun blogue ou publicalo na Aula Virtual subo os modelos a 3D Warehouse, coa miña conta de gmail (google) así obterei un código para embebelas na páxina ou blogue.

Como podedes ver, pódense rotar , achegar e alonxar co rato.
As cotas están feitas para visualizalas correctamente cando observamos unha única peza.